USD
Хөнгөн атлетикийн дэлхийн аварга шалгаруулах тэмцээнийг 2022 он хүртэл хойшлуулах шийдвэрийг Дэлхийн хөнгөн атлетикийн холбоо гаргасан билээ.
Ингэснээр АНУ-ын Орегон мужийн Южин хотноо болох энэхүү тэмцээнийг 2022 оны долдугаар сарын 15-24-нд зохион байгуулахаар болжээ. “Токио-2020” олимпийн наадам, паралимпийн наадмыг коронавируст халдварын улмаас нэг жилээр хойшлуулсантай холбоотойгоор ирэх онд зохион байгуулахаар товлож байсан хөнгөн атлетикийн ДАШТ-ий хуваарийг өөрчилж буй нь энэ юм. ДАШТ 2021 оны наймдугаар сарын 6-нд Южин хотод эхлэх байсан бол Токиогийн олимп 2021 оны долдугаар сарын 23-нд эхлэхээр болсон юм.
