МУЗН-ээс ариун цэврийн багц хүлээлгэн өгөв
6 сарын 17, 2020

ОБЕГ-ын харьяа Давтан сургалт, сургалт сэргээн заслын төв-113 дугаар ангийн “Онцгой жаргалант” сувилалд тусгаарлагдаж байгаа БНЭУ-аас эх орондоо ирсэн 219 лам хүүхдэд зориулж ариун цэврийн багцийг МУЗН-ээс хүлээлгэн өглөө.

Монголын улаан загалмай нийгэмлэгээс НҮБ-ын Хүүхдийн Сан, АНУ-ын Олон Улсын Хөгжлийн Агентлаг, ДЭМБ-ын дэмжлэгтэйгээр хэрэгжүүлж байгаа коронавируст халдвараас урьдчилан сэргийлэх хөтөлбөрийг хүрээнд тус багцийг олгосон байна.

Багцад гарын шингэн саван, гар ариутгагч гель, шампунь, оо, сойз, гар нүүрийн алчуур, бичгийн хэрэгсэл, монгол уламжлалт оньсон тоглоом зэрэг зүйлс багтжээ гэж Онцгой байдлын ерөнхий газраас мэдээллээ.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.