Д.Сүхбаатарын дурсгалын зоос худалдаалагдаж байна
2 сарын 2, 2021

Монголбанкнаас эрхлэн гаргадаг дурсгалын зоос нь Монгол Улсыг дэлхийд сурталчлан таниулах төдийгүй түүх соёлоо өвлөн үлдээх зорилго бүхий өргөн утга агуулга, сэдвийн дор дүрслэн бүтээгддэг. Энэ хүрээнд төр нийгмийн нэрт зүтгэлтнүүдийн алдар гавъяаг мөнхөлсөн цуврал дурсгалын зоосыг 2017 оноос гаргаад байна.

2021 оны 2 дугаар сарын 2-нд Ардын төр засгийг үүсгэн байгуулагчдын нэг, цэргийн нэрт гарамгай жанжин Дамдины Сүхбаатарын мэндэлсэн өдрийг тохиолдуулан Дамдины Сүхбаатарын дурсгалын зоосыг танилцуулж байна.

Уг зоос нь 50 грамм жинтэй, 50 мм-ийн хэмжээтэй мөнгөөр бүрсэн зэс зоос бөгөөд 2017 онд анх худалдаанд гаргаж байжээ. Мөн Монголбанкы Эрдэнэсийн сангаас дурсгалын алт, мөнгө, зэс зоос, алт, мөнгөн гулдмай, үрлэн мөнгийг борлуулж байна. Дэлгэрэнгүй мэдээллийг coin.mongolbank.mn цахим хуудас, 11-329677 утсаар авах боломжтой байна.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.