Польш улсын Сеймийн дэд маршал М.Гошевскад Ерөнхийлөгчийн зарлигаар олгосон “Алтан гадас” одонг гардуулж өгөв
2 сарын 24, 2021

Монгол Улс, БНПУ-ын хооронд дипломат харилцаа тогтоосны 70 жилийн ойтой холбогдуулан Монгол, Польшийн харилцааг өргөжүүлэн хөгжүүлэхэд гаргаж буй идэвх чармайлт, хувь нэмрийг үнэлэн БНПУ-ын Сеймийн дэд маршал М.Гошевскад Монгол Улсын Ерөнхийлөгч Х.Баттулга 2020 оны 12 дугаар сарын 25-ны өдрийн 151 тоот зарлигаар “Алтан гадас” одонгоор шагнаж, батламж олгосон юм.

Уг шагналыг Монгол Улсаас БНПУ-д суугаа Онц бөгөөд Бүрэн эрхт Элчин сайд Б.Дорж 2021 оны 2 дугаар сарын 19-ний өдөр Сеймийн ордонд гардуулав. Дэд маршал М.Гошевска нь Польшийн ЭСЯ-ыг Монголд нээх шийдвэрийг гаргахад гол үүрэг гүйцэтгэж байжээ. Түүнээс гадна Польшийн Парламент дахь Монголтой харилцах бүлгийг байгуулахад идэвхтэй оролцож, өөрөө гишүүнээр элсэж, Монголыг сурталчилсан арга хэмжээнүүдийг дэмжин зохион байгуулах зэргээр хоёр талын харилцаа хамтын ажиллагааг өргөжүүлэн гүнзгийрүүлэхэд чиглэсэн олон алхмуудыг хийж, манай улсыг чин сэтгэлээсээ дэмжиж ирсэн хүн билээ.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.