46 хүнээс шинээр халдвар илэрлээ
2 сарын 25, 2021

Өчигдөр улсын хэмжээнд 16,777 хүний сорьцод шинжилгээ хийхэд 46 хүнээс коронавирус илэрчээ.

"Шинээр илэрсэн тохиолдлууд бүгд Улаанбаатар хотод бүртгэгдсэн бөгөөд зарим нь өмнөх батлагдсан тохиолдлуудын ойрын хавьтлын хүмүүс байна. “Нэг хаалга-Нэг шинжилгээ” арга хэмжээтэй холбоотойгоор шинээр 23 тохиолдол шинээр батлагдсан" гэдгийг ХӨСҮТ-ийн Тандалт, судалгааны албаны дарга А.Амбасэлмаа мэдээлэв.

Ингэснээр Улаанбаатар хотын хэмжээнд коронавируст халдварын батлагдсан тохиолдол 1,960 болсон. Харин Монгол Улсын хэмжээнд бүртгэгдсэн нийт тохиолдол 2,801 боллоо.

Өнгөрсөн 24 цагийн хугацаанд 27 хүн эдгэрэн эмнэлгээс гарснаар нийт эдгэрсэн хүний тоо 2,097-д хүрлээ. Энэ нь нийт тохиолдлын 74.8 хувийг эзэлж буй. Өнөөдрийн байдлаар нийтдээ 689 батлагдсан тохиолдол эмчлэгдэж байна.

Үүнээс,

  • Маш хүнд-1
  • Хүнд-7
  • Хүндэвтэр-62
  • Хөнгөн-619 хүн байгаа юм.

Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.