Жирэмсэн эмэгтэйчүүд болон гэртээ байгаа 2-3 насны хүүхдүүд харьяа Өрхийн эмнэлэгтээ очиж томуугийн вакцин хийлгэнэ

Дархлаажуулалтын 10 хоногийг есдүгээр сарын 13-22-ны хооронд “Томуугаас сэргийлье” уриан дор зохион байгуулж байна. Энэ хүрээнд улирлын томуугийн эсрэг вакцинаар нийслэлийн хэмжээнд зорилтот бүлгийн буюу 2-11 насны 161,700 хүүхэд, 10,520 жирэмсэн эмэгтэй зэрэг нийт 172,220 иргэнийг дархлаажуулахаар төлөвлөсөн.

Есдүгээр сарын 15-ны байдлаар:

• хоёр настай 487
• 3-5 настай 10,422
• 6-11 настай 11,104 хүүхэд
• жирэмсэн эмэгтэй 37 /0.4%/ буюу нийт 22,050 /12.8%/ иргэнийг дархлаажуулжээ.

Улирлын томуугийн дархлаажуулалтыг Өрхийн эрүүл мэндийн төв болон тосгоны Эрүүл мэндийн төв, ерөнхий боловсролын сургууль, цэцэрлэгүүдэд хийж байгаа. Түүнчлэн улирлын томуугийн вакцинд хамрагдах хүсэлтэй жирэмсэн эмэгтэйчүүд болон гэрийн асаргаанд байгаа 2-3 насны хүүхдүүдийг харьяа Өрхийн эрүүл мэндийн төв, тосгоны Эрүүл мэндийн төвд дархлаажуулах юм.