“Чингис хаан” нисэх буудал дахь шинжилгээний цэгийн тоог нэмэгдүүлж, зорчигчдод шуурхай үйлчлэх үүрэг өгөв
1 сарын 13, 2022

Иргэний нисэхийн ерөнхий газрын дарга С.Мөнхнасан өнөөдөр “Чингис хаан” Олон улсын нисэх буудалд ажиллаж, холбогдох албаныханд үүрэг чиглэл өгчээ. Тус нисэх буудлаар үйлчлүүлж буй зорчигчдод дараалал үүсгэж, хүндрэл учруулж буй байдалтай газар дээр нь танилцаад шинжилгээ авч буй цэгийн тоог нэмэгдүүлж, ирсэн зорчигчдыг 2 цаг 30 минутад гаргаж байгааг хурдасгаж 1 цаг 30 минут болгох үүрэг өгсөн байна. Мөн хил, гааль, мэргэжлийн хяналт, онцгой комиссын холбогдох албаныхантай хийсэн уулзалтаар хамтын үйл ажиллагаагаа сайжруулах, цаашид ачаа тээврийн үйлчилгээ нэмэгдэх хандлагатай байгаатай холбогдуулж тус нисэх буудлын удирдлагуудад ачаа тээврийн агуулахын багтаамжийг нэмэгдүүлэх талаар судалгаа хийх чиглэлийг өгснийг ИНЕГ-аас мэдээллээ.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.