М.Уранцэцэг хүрэл медалийн эзэн боллоо

“Токио-2020” зуны XXXII олимпын наадмын жүдо бөхийн эмэгтэйчүүдийн 48 кг-д хүч сорьж буй гавьяат тамирчин М.Уранцэцэг хүрэл медалийн эзэн боллоо. Тэрбээр эхний даваандаа Чилийн Лей Варгасыг өчих мэхээр цэвэр ялж, шөвгийн наймд шалгарсан бол хагас шигшээд Израилийн бөх Шира Широнаг өчилтөөр цэвэр ялж шөвгийн дөрөвт шалгарсан юм.

Харин хагас шигшээд Косовогийн бөх, ДАШТ-ий хүрэл медальт Дистриа Красникид ялагдаж, хүрэл медалийн төлөө барилдаанд Португалийн бөх Катарина Костатай оноолт таарч, цэвэр яллаа.