Хүнсний худалдаа, үйлдвэрлэл, үйлчилгээ эрхлэгчдийг сургалтад хамруулжээ

Дундговь аймгийн Мэргэжлийн хяналтын газар, БОАЖГ, СХЗХ, Сайнцагаан сумын ЗДТГ-тай хамтран хүнсний худалдаа үйлчилгээ, хоол үйлдвэрлэл эрхлэгч 38 аж ахуйн нэгжийн удирдлагуудад сургалт зохион байгуулав. Сургалтаар Мэргэжлийн хяналтын газраас хийсэн хяналт шалгалтын явцад хүнсний чанар аюулгүй байдал алдагдсан, хадгалалтын хугацаа дууссан, хаяг шошгын зөрчилтэй бүтээгдэхүүн илэрч байгаад анхаарч ажиллах, буцаан татан авалтын журмыг бүрэн судалж, зөв ойлголттой болох, хүнсний түүхий эд, бүтээгдэхүүнд дотоод хяналтыг сайжруулж болзошгүй эрсдэлээс урьдчилан сэргийлж зөвлөжээ.