USD
Сүүлийн 24 цагт коронавируст халдварын 81 тохиолдол шинээр батлагджээ. Шинээр илэрсэн тохиолдлуудын 37 нь Улаанбаатар хотод, 44 нь орон нутагт нь бүртгэгдсэн байна. Мөн хугацаанд халдвараас шалтгаалсан эндэгдэл бүртгэгдээгүй байна.
Одоогоор уг өвчний улмаас эмнэлэгт 203 хүн хэвтэн эмчлүүлж байгаа бол 678 хүн гэртээ тусгаарлагдан эмчлүүлж буй. Эмнэлэгт байгаа иргэдийн 16 нь хүүхэд бол дөрөв нь жирэмсэн эмэгтэй байгаа юм. Эмчлүүлж буй иргэдийн найм нь нэн хүнд, 58 нь хүнд, 115 нь хүндэвтэр, 22 нь хөнгөн оноштой байна.
Орон нутгийн хувьд хоёр аймагт халдвар бүртгэгджээ. Тодруулбал, Өмнөговьд 33, Дорноговьд 11 тохиолдол тус тус шинээр илэрсэн тухай Эрүүл мэндийн яамнаас мэдээллээ.
