Дархан хотод салхилж явсан эмэгтэйг дээрэмдэн, хүчиндэхийг завджээ

Энэ сарын гуравны оройн 22 цагийн үед салхилж явсан иргэнийг дээрэмдэж, хүчиндэхийг завдсан хэрэг Дархан хотод гарсан байна. Гурван залуу бүлэглэн иргэн Э-г зодож, дээрэмдэн, хүчиндэхийг завджээ. Эмэгтэй гэмт этгээдүүдээс зугтаж, Петровис компанийн Нефть хангамжийн салбарын хамгаалалтын бүсэд нэвтэрч, тусламж авснаар аврагдсан байна. Тус байгууллагын хамгаалалтын ажилчид гэмт этгээдүүдийг хөөн барьж, цагдаагийн байгууллагад хүлээлгэн өгчээ. Уг хэргийг Дархан Уул аймгийн Цагдаагийн газар шалгаж байгаа аж.