USD
Монгол Улсын Засгийн газрын гишүүн, Шадар сайд, Улсын онцгой комиссын дарга Ө.Энхтүвшин Сэлэнгэ аймагт ажиллахдаа Сэлэнгэ аймгийн Онцгой комиссыг хуралдуулан үүрэг чиглэл өглөө.
Энэ сарын 26-ны өдөр Монгол Улсын Засгийн газрын гишүүн, Шадар сайд, Улсын онцгой комиссын дарга Ө.Энхтүвшин Сэлэнгэ аймагт ажиллахдаа Сэлэнгэ аймгийн Онцгой комиссыг хуралдууллаа. Тэрээр цаг үеийн нөхцөл байдал, хаврын хуурайшилт эрт эхэлж ой хээрийн түймэр гарах эрсдэл өндөр байгаатай холбогдуулан дараах үүрэг чиглэлүүдийг өгсөн юм. Тухайлбал түймрийг гарахаас нь өмнө урьдчилан сэргийлэх ажлыг эрчимжүүлэх, эргүүл постыг ажиллуулах, гарсан тохиолдолд аймаг, сум орон нутаг, онцгой байдлын байгууллагууд унтраах арга хэмжээг богино хугацаанд зохион байгуулах, түймэртэй тэмцэх хүн хүч техник хэрэгслийн бэлэн байдлыг хангах зэрэг үүрэг даалгавар өглөө.
