З.Баянсэлэнгэ нарт холбогдох хэргийн шүүх хурал баасан гарагт болно

УИХ-ын гишүүн, Барилга, хот байгуулалтын сайд асан З.Баянсэлэнгэ болон Ж.Бурмаа, М.Болортуяа нарт холбогдох хэргийн шүүх хурал энэ сарын 20-нд 14:30 цагт Сонгинохайрхан дүүргийн эрүүгийн хэргийн анхан шатны шүүхэд товлогдсон байна. Эргэн сануулахад, З.Баянсэлэнгэ нарын 11 хүнд холбогдох хэргийн шүүх хурал өнгөрсөн сарын 28-нд Чингэлтэй дүүргийн Эрүүгийн хэргийн анхан шатны шүүхэд болсон. Ийн З.Баянсэлэнгэ болон хэргийн бусад шүүгдэгч нарын өмгөөлөгч нар З.Баянсэлэнгэд холбогдох хэргийг тусгаарлуулах хүсэлт гаргасан тул шүүх уг хүсэлтийг хүлээн авч, хэргийг тусгаарлан, бусад шүүгдэгч нарт холбогдох эрүүгийн хэргийн шүүх хуралдааныг үргэлжлүүлэн хэлэлцсэн билээ.

Түүнчлэн З.Баянсэлэнгэд холбогдох хэргийн харьяаллыг Сонгинохайрхан дүүргийн Эрүүгийн хэргийн анхан шатны шүүхээр шийдвэрлүүлэхээр болсон байдаг.