USD
Арван жил тутам нэг удаа болдог хүн ам, орон сууцны улсын ээлжит тооллого өнгөрсөн шөнө буюу 2020 оны нэгдүгээр сарын 08-наас 09-нд шилжих шөнийн 00:00 цагт эхэллээ.
УИХ-аас тогтоосон товын дагуу Үндэсний статистикийн хороо /ҮСХ/-ны удирдлагууд болон холбогдох албаныхан өчигдөр орой /2020.01.08/ 23.30 цагт нийслэл, 21 аймаг, 9 дүүргийн тооллогын түр хороотой холбогдож, тооллого орон даяар албан ёсоор эхэлснийг мэдэгдэв. Тооллогын комисст анхан шатны тоологч, шалгагч, статистикч зэрэг тодорхой хэмжээнд бэлтгэгдсэн хүмүүс ажиллаж байгаа аж.
Хүн ам, орон сууцны 2020 оны ээлжит Улсын тооллогыг энгийн санамсаргүй түүврийн аргаар тоолох юм байна. Хуулинд зааснаар ээлжит тооллогыг товлосон өдрөөс эхлэн долоо хоногт багтаан явуулахаар заасан байдаг. Тиймээс тооллого энэ сарын 9-нөөс 15-ны хооронд үргэлжилнэ.
