Алга болсон малчин эсэн мэнд олдлоо

Булган аймгийн Орхон сумын малчин Б “Нарийн хайлааст” гэдэг газраас “Леганза” загварын суудлын автомашинтай “Шал чулуут” гэдэг газар байдаг гэрлүүгээ явахаар гараад сураггүй алга болсон. Дуудлагын дагуу тус аймгийн Онцгой байдлын газрын Эрэн хайх, аврах салбарын таван алба хаагч, Орхон сумын Цагдаагийн хэсгийн гурван алба хаагч, ар гэрийн зургаан хүнээс бүрдсэн эрлийн баг 4 автомашинтайгаар тухайн өдрийн 02:16 цагаас эрэн хайх ажиллагааг зохион байгуулж, 02:35 цагт унаж явсан автомашиныг нь “Өвөр шанд” гэдэг газар шатсан байдалтайгаар олсон боловч жолооч ор сураггүй алга болсон тухай Онцгой байдлын газраас мэдээлсэн юм. Харин алга болсон малчин Б нь “Өвөр шанд” гэдэг газар малчин Ч-ийнд эсэн мэнд очсон болохыг ар гэрийнхэн нь мэдэгдсэн тул эрэн хайх ажиллагааг зогсоосон байна.