Гэрэлт гудамжаар зорчих нийтийн тээврийн хөдөлгөөнд өөрчлөлт оруулжээ

Сөүлийн гудамж буюу Циркийн хойд уулзвараас “Наран плаза” төв хүртэлх 440 метр автозамыг автомашингүй, шөнийн гэрэлт гудамж болгосон. Иймд энэ оны тавдугаар сарын 11-ний өдрөөс эхлэн аравдугаар сарын 1-ний өдрийг хүртэл долоо хоног бүрийн баасан гаригийн 20:00 цагаас даваа гаригийн 04:00 цагийн хооронд тус авто замын зорчих хэсгийн хөдөлгөөнийг бүрэн хаахаар Хотын даргын захирамжаар шийдвэрлэсэн юм. Тиймээс тус замаар дайран өнгөрдөг нийтийн тээврийн үйлчилгээний Ч:29 “Сэлбэ амралт-МУБИС-Вокзал” чиглэлд түр хугацаанд өөрчлөлт оруулахаар боллоо. Даваа гарагаас баасан гарагийн 20:00 цагийн хооронд одоо мөрдөгдөж буй замналын дагуу, харин баасан гарагийн 20:00 цагаас эхлэн ням гарагийг дуустал зураглалын дагуу явуулахаар болсон байна.

А.ДЭЛГЭР