USD
Монгол Улсын Засгийн газрын ээлжит хуралдаан 08.00 цагт эхэлж, 13 асуудал хэлэлцэж байна.
Хуралдаанаар хэлэлцэх асуудлын жагсаалтын эхэнд Тогтоолд өөрчлөлт оруулах тухай, Тогтоолын хавсралтад өөрчлөлт оруулах тухай, Аугаа их эх орны дайны ялалтын 75 жилийн ойн цэргийн ёслолын жагсаалд Монгол Улсын цэргийн салбарыг оролцуулах, зардал гаргах тухай асуудал багтжээ. Мөн хуралдаанаар Монгол, Украины Засгийн газрын хэлэлцээр батлах тухай, Монгол, Бүгд Найрамдах Словени Улсын Засгийн газрын хэлэлцээрийн төсөл, Тогтоолын хавсралтад өөрчлөлт оруулах тухай, УИХ-ын гишүүн гишүүн А.Сүхбатын боловсруулсан “Импортын барааны гаалийн албан татварын хувь, хэмжээ батлах тухай УИХ-ын тогтоолд өөрчлөлт оруулах тухай тогтоолын төсөлд Засгийн газраас өгөх санал дүгнэлтийг хэлэлцэх юм.
Түүнчлэн УИХ-ын гишүүн Ц.Гарамжавын санаачлан боловсруулсан Төр, хувийн хэвшлийн түншлэлийн тухай хуулийн төсөлд Засгийн газраас өгөх санал дүгнэлт, Хоолны зардлын норматив тогтоох тухай, Ахмад настны төрөлжсөн асрамжийн шинэчлэлийн хөтөлбөр батлах тухай, Спортын анагаах ухаан, эрдэм шинжилгээний төв байгуулах тухай, Монгол Улсын 2020 оны төсвийн тухай хуульд төсөвт өртөг нь нэмэгдэж батлагдсан салбарын зарим барилга угсралтын ажлын талаар хэлэлцэх аж.
