USD
Монгол Улсад “COVID-19” цар тахлын эсрэг дархлаажуулалт 2021 оны хоёрдугаар сарын 23-ны өдрөөс эхэлсэн. Энэ хүрээнд боловсролын байгууллагын багш, ажилтан, албан хаагчид вакцинжуулалтад хамрагдаж эхэллээ. Нийслэлийн 9 дүүргийн төрийн болон төрийн бус сургуулийн нийт 34,615 багш, ажилтан вакцинжуулалтад хамрагдах юм. Үүнд:
- Баянгол дүүрэг 5,405
- Баянзүрх дүүрэг 8,189
- Багануур дүүрэг 823
- Багахангай дүүрэг 102
- Налайх дүүрэг 995
- Сонгинохайрхан 6,128
- Сүхбаатар дүүрэг 4,674
- Хан-Уул дүүрэг 5,080
- Чингэлтэй дүүрэг 3,219 багш, ажилтан.
УОК-ын шийдвэрийн дагуу зарим сургууль, Эрүүл мэндийн төвүүд зэрэг нийт 18 цэгт вакцинжуулалт хийж байна. Боловсролын байгууллагын багш, ажилтнууд 2-3 хоногийн хугацаанд вакцинжуулалтад бүрэн хамрагдах юм. Мэргэжлийн байгууллагуудын мэдээлж байгаагаар вакцины эхний тунг хийлгэсний дараа 62, хоёр дахь тунгийн дараа 94 хувийн дархлаа тогтдог байна. Вакцин хийлгэсний дараа хүний биеийн онцлогоос хамаарч толгой өвдөх, дотор муухайрах, халуурах, вакцин хийлгэсэн газарт бага зэрэг хавдах зэрэг шинж тэмдэг илэрч болзошгүй. Эдгээр шинж тэмдэг 1-2 хоногоос олон хоног үргэлжилбэл эмчид хандах, 119 дугаарт хандах хэрэгтэйг эмч мэргэжилтнүүд зөвлөлөө.
