Өнөөдөр ажиллах дархлаажуулалтын цэгүүд

Улаанбаатар хотод өнөөдөр /2021.07.23/ суурин 22 цэгт 35 багийн 241 эмч, ажилтан ажиллаж, 10305 иргэнийг дархлаажуулахаар төлөвлөжээ. Нийслэлийн хэмжээнд өчигдөр цар тахлын эсрэг вакцины эхний тунд 3385, хоёр дахь тунд 6115, нийт 9500 иргэнийг дархлаажуулсан байна.

Вакцинжуулалт эхэлснээс хойш нийслэлийн 18-аас дээш насны 1.056.403 иргэн эхний тунд, 950.554 иргэн хоёр дахь тунд хамрагджээ. Мөн нийт 3370 жирэмсэн эх, 12-15 насны 41.927 , 16-17 насны 20.828 хүүхдийг тус тус дархлаажуулсан гэдгийг албаныхан мэдээллээ.