Намагт шигдэж, осголтын байдалтай байсан иргэнийг аварчээ

Намагт шигдсэн, осголтын байдалтай байсан иргэнийг аварсан байна. Сэлэнгэ аймгийн  Сүхбаатар сумын Бор гүвээ багийн тавдугаар хэсэгт “Дунд намаг" гэдэг газарт намагт нэг хүн шигдсэн тухай дуудлагыг аравдугаар сарын 21-ний өдрийн 05:38 цагт онцгой байдлын байгууллага хүлээн авчээ. 

Тус аймгийн Онцгой байдлын газрын Эрэн хайх, аврах ангийн алба хаагчид таван км зам туулан 05:50 цагт очиход “Дунд намаг" гэдэг газраас хойд зүгт хоёр км-т иргэн намагт шигдсэн, осголтын байдалтай байсныг 1:10 цаг ажиллан аварчээ. Ингээд эмнэлгийн анхны тусламж үзүүлэн, аймгийн Нэгдсэн эмнэлэгт хүлээлгэн өгсөн байна.