1500 орчим хүн зорчих эрхээ хязгаарлуулах ял эдэлж байна

Манай улс 2021 оны нэгдүгээр сарын 1-нээс зорчих эрхийг хязгаарлах буюу шүүхээс ял сонссон зарим хүнд цахим гав зүүх хуулийн зохицуулалтыг хэрэгжүүлж эхэлсэн. Одоогийн байдлаар 1500 орчим хүн зорчих эрхийг хязгаарлах ял эдэлж байгаа ажээ. Үүнээс 1000 орчим нь ялаа эдэлж дуусаж байгаа юм байна. Зорчих эрхийг хязгаарлах (цахим гав зүүх) ялын эдийн засгийн үр өгөөж, үр дагавар өндөр байгааг салбарын мэргэжилтнүүд онцолж байгаа гэдгийг Хууль зүй, дотоод хэргийн сайд Х.Нямбаатар хэллээ.