Хойд эцэг нь дагавар охиноо хүчирхийлдэг байж болзошгүй хэргийг цагдаагийн албан хаагчид илрүүлжээ. Тодруулбал, Гэр бүл, хүүхэд, залуучуудын хөгжлийн газрын баг, хүүхдийн байцаагчид хамтран Төв аймгийн сумдад зохион байгуулсан уулзалтын үер 13 настай охин хойд эцэгтээ хүчирхийлүүлдэг тухайгаа ярьжээ.
Энэ талаар эх сурвалжаас тодруулахад “38 настай, Б нь 13 настай дагавар охиноо долоо хоногт 1-2 удаа хүчирхийлж, бэлгийн харилцаанд орохыг шаарддаг байсан болзошгүй нөхцөл байдал илэрсэн. Охины яриагаар уг үйл явдал 2018 оноос хойш явагдаж байгаа. Өөрөөр хэлбэл, охиныг хойд эцэг нь есөн настайгаас нь эхэлж хүчирхийлсэн байж болзошгүй гэсэн үг” гэв.
Цагдаагийн албан хаагчид Төв аймгийн ... сумын харьяат, 38 настай Б-г цагдан хорьжээ. Охиныг Улаанбаатар хот руу тээвэрлэж, түр хамгаалах байранд байлгаж байгаа аж. Хамгийн ноцтой нь, уг аймшигт хэргийг охины ээж мэддэг байсан байж болзошгүй гэнэ. Мөрдөн шалгах ажиллагаа үргэлжилж байна.
USD
