USD
Хан-Уул дүүрэг “Хоггүй Хан-Уул” хөтөлбөрийн хүрээнд хог тээврийн байгууллагуудын чанар хүртээмжийг нэмэгдүүлэх, иргэдийг хоггүй цэвэр орчинд амьдрах нөхцөлийг бүрдүүлэх зорилгоор хог тээврийн байгууллагууддаа 11 шинэ хог тээврийн машин хүлээлгэн өглөө. Ийнхүү сүүлийн хагас жилийн дотор нийт 17 ширхэг хог тээврийн автомашиныг хүлээлгэн өгөөд байна. Өнөөдөр /2023.01.06/ хүлээлгэн өгсөн машинууд БНСУ-д үйлдвэрлэсэн, сүүлийн үеийн тоноглолтой, шатахуун зарцуулалт багатай Hyundai HD78 маркийн долоон автомашин, Hyundai HD170 маркийн дөрвөн автомашин юм. Дүүргийн төсвийн хөрөнгө оруулалтаар 2021 онд 8 тн хог шахаж ачих үйлдэлтэй ОХУ-д үйлдвэрлэсэн дөрвөн камаз маркийн автомашиныг хүлээлгэн өгсөн бол 2022 онд 5 тн хог шахаж ачих үйлдэлтэй БНСУ-д үйлдвэрлэсэн Hyundai HD78 маркийн зургаан автомашин, ОХУ-д үйлдвэрлэсэн тусгай зориулалтын буюу өвлийн улиралд цас мөс цэвэрлэх, давс бодис цацдаг, зуны улиралд талбайн усалгаа, зам талбайн цэвэрлэгээ хийдэг хосолмол үйлдэлтэй хоёр автомашин тус тус шийдвэрлэн өгчээ.
Тодруулбал, 2021-2023 онд хог
тээврийн 21, тусгай зориулалтын буюу зам цэвэрлэгээ, усалгааны хоёр авто машин зэрэг нийт
23 автомашиныг хог тээврийн байгууллагууддаа хүлээлгэн өгч парк шинэчлэлт хийлээ.
2023 онд ашиглалтын
шаардлага хангахгүй машинуудыг бүрэн шинэчилж, парк шинэчлэлийг ажлыг үе шаттай
үргэлжлүүлнэ хэмээн дүүргийн Засаг дарга Ж.Алдаржавхлан жолооч
нарт шинэ автомашинуудын түлхүүрийг гардуулан өгөх үеэрээ хэлсэн юм.
