Э.Цэндбаатар өнөөдөр гурав дахь тулаанаа хийнэ

Тайланд Бангкок хотноо явагдаж буй олимпын эрх олгох “2nd World Qualifying Tournament Boxing Road to Paris” тэмцээнд манай долоон тамирчин тэмцээнээ үргэлжлүүлж буй. 63.5 кг жинд гавьяат тамирчин Э.Цэндбаатар өнөөдөр гурав дахь тулаанаа хийнэ.

Вьетнамын тамирчин Дат Вутай тулалдаж эхний ялалтаа авсан тэр өчигдөр /2024.05.28/ хоёр дахь тулаанаа хийх байсан ч Туркменстаны тамирчин жиндээ орж чадаагүй тул гавьяат тамирчин Э.Цэндбаатар Олимпын эрхийн тэмцээний хоёр дахь ялалтаа авсан юм.

Тэрээр өнөөдөр /2024.05.29/ гурав дахь тулаанаа хийх бөгөөд гавьяат тамирчин Э.Цэндбаатар Болгарын Родаслав Росеновтой оноолт таарчээ.

Э.Цэндбаатараас гадна М.Энхжаргал, Х.Энх-Амар, Х.Бекнур нар тулалдана.