Зогсож байсан автомашиныг мөргөсний улмаас хүний амь эрсэджээ
6 сарын 29, 2020

Төв аймгийн Баянцагаан сумын Өлзийт багийн “Довын гуанз” гэдэг газар /аймгийн төвөөс урд зүгт 87 км-т/ Дундговь аймгийн чиглэлд зорчиж явсан “Фит” загварын суудлын автомашин автозамын зорчих хэсэгт зогсож байсан “Хово” загварын ачааны автомашины араас мөргөж, автомашины төмөр хийцэд нэг хүн хавчуулагдаж нас баржээ.

Ослын тухай дуудлагыг 2020.06.29-ний өдрийн 04:45 цагт хүлээн авч тус аймгийн Онцгой байдлын газрын орлогч дарга, хошууч Г.Ганхөлөгөөр ахлуулсан алба хаагчид 87 км туулан 06:30 цагт очиж, Өмнөговь аймгийн харьяат Э /50, эрэгтэй/-ын цогцсыг гаргаж, Цагдаагийн мөрдөгч, цагдаагийн ахмад Н.Бадамжунайгаар ахлуулсан бүрэлдэхүүнд хүлээлгэн өгсөн байна.

Иймд жолооч та бүхэн үзэгдэх орчин хязгаарлагдмал газарт шөнө оройн цагаар түр зогсолт хийхдээ цацруулагчтай анхааруулах тэмдэг байршуулж өөрийн болон бусдын аюулгүй байдлыг хангаж, замын хөдөлгөөний дүрмээ баримталж хөдөлгөөнд оролцохыг анхааруулж байна.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.