Жоншны бутлуурын шороонд дарагдаж хүн амиа алджээ

Энэ сарын 17-ны өдөр Дорноговь аймгийн Даланжаргалан сумын Цомог багийн нутагт буюу аймгийн төвөөс хойд зүгт 150 километрийн зайд орших жоншны баяжуулах үйлдвэрт жоншны бутлуурын машины шороонд хүн дарагдсан тухай дуудлага Онцгой байдлын газарт ирсэн байна.

Дуудлагын дагуу тус аймгийн Онцгой байдлын газрын алба хаагчид очиж, тус үйлдвэрийн жоншны бутлуурчин ажилтай 20 настай, эрэгтэйн цогцсыг гарган аймгийн Цагдаагийн газарт шилжүүлэн өгсөн тухай Онцгой байдлын ерөнхий газраас мэдээллээ.