Алба хаагчид дотоод аудитор хийх эрхийн сургалтад хамрагдав
9 сарын 12, 2021

Нийслэлийн Онцгой байдлын газраас Олон улсын стандартуудыг нэвтрүүлэх, нутагшуулах ажлын хүрээнд алба хаагчдад мэдлэг олгох, дадлага эзэмшүүлэх зорилгоор ОБЕГ-ын харъяа Үндэсний Аврах бригад, Монголын менежментүүдийн зөвлөхүүдийн холбоо ТТБ-тай хамтран “ISO 19011:2018” менежментийн тогтолцоонд аудит явуулах заавар стандартын дагуу ISO 9001: 2015, ISO 45001: 2018 стандартуудад дотоод аудит хийх сургалтыг зохион байгууллаа. Гурван өдөр үргэлжилсэн тус сургалтаар ISO 9001, ISO 45001 стандартуудын нэгдмэл болон тусгай шаардлага, баримт бичгийн эмх цэгц, иж бүрдүүлэлт, “ISO19011:2018” стандартын шаардлагууд, аудитын зарчим, нэр томъёоны тодорхойлолтууд, аудитын хөтөлбөрийн удирдах ажилтны чадамж, аудитын хөтөлбөр боловсруулах, аудитын шалгуур, хамрах хүрээ, аудитын төлөвлөгөө боловсруулах, аудитын шалгах хуудас боловсруулах зэрэг сэдвийн хүрээнд мэдлэг эзэмшүүлсэн юм.

Сургалтууд шат дараатайгаар зохион байгуулагдах бөгөөд стандартуудыг нэвтрүүлснээр гамшгаас хамгаалах удирдлагын системийг бэхжүүлж, менежментийн хувьд бусад олон улсын стандартуудыг нэвтрүүлэх үндэс суурь нь болж байгаагаараа онцлог юм гэж нийслэлийн Онцгой байдлын газраас мэдээллээ.


Сэтгэгдэл үлдээх
АНХААРУУЛГА: Уншигчдын бичсэн сэтгэгдэлд Eren.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.