Сурагчийнхаа гарыг цохисон багшийг ажлаас нь чөлөөлөхөөр болжээ

97-р сургуулийн бага ангийн багш Л.Цэрэнбадам сурагчаа “муухай бичлээ” хэмээн гар руу нь цохиж, хүүхдийн биед нь халдсан асуудал үүссэн. Тухайн багшийн эл асуудлаар өчигдөр сургуулийн ёс зүйн зөвлөл хуралджээ. Учир нь Л.Цэрэнбадам өөрөө багш ажлаас чөлөөлөгдөх хүсэлтээ гаргасны дагуу ёс зүйн зөвлөл хуралдаж дүгнэлт гаргажээ. Дүгнэлтэд Л.Цэрэндулам нь багшийн ёс зүйн зөрчил гаргасан мөн өөрийн хүсэлтээр ажлаас чөлөөлөгдөх өргөдөл өгсөн зэргийг харгалзан үүрэгт ажлаас нь чөлөөлөх дүгнэлт гарган сургуулийн захиралд хүргүүлжээ. Харин эцсийн байдлаар ажлаас чөлөөлөгдөх шийдвэрийг сургуулийн захирал гаргаж албажуулна.