БНХАУ-ын хоёр иргэн 20 тонн муудсан мах хадгалж байсныг илрүүллээ

МХЕГ, ЭЦГ-ын албан хаагчид өчигдөр буюу энэ сарын 23-ны өдөр Сонгинохайрхан дүүргийн 23 дугаар хороонд байрлах Эмээлт захын хажуугийн агуулахаас 20 тонн муудаж, өмхийрсөн махыг зориулалтын бус газар хадгалж байсныг илрүүллээ. Уг махыг БНХАУ-ын хоёр иргэн худалдан авч, хадгалж улмаар цааш өнгө оруулагч ашиглан шинэ мэт болгож борлуулах зорилгоор хадгалж байснаа хүлээсэн байна. Тодруулбал, муудаж өмхийрсөн махыг тусгайлан бэлтгэсэн химийн бодистой хольж үнэр амтыг дараад иргэдэд худалдан борлуулах гэж байсан гэх мэдээлэл байна. Гэхдээ үүнийг цагдаагийнхан шалгаж тогтоох юм.