USD
Коронавируст халдварын хөнгөн өвчтөнүүдийг Хан-Уул дүүрэгт шинээр баригдсан Эх, хүүхдийн эрүүл мэндийн нэгдсэн төвд эмчилж эхэлжээ. ХӨСҮТ-ийн Тандалт, судалгааны албаны дарга А.Амбасэлмаа "Өнөөдрийн байдлаар улсын хэмжээнд 512 батлагдсан тохиолдол эмчлэгдэж байна. Үүнээс ХӨСҮТ-ийн Халдвартын клиникд 199 хүн байгаа бол 211 хүн Цэргийн төв эмнэлэгт, 13 хүн Сэлэнгэ аймгийн нэгдсэн эмнэлэгт эмчлэгдэж байна.
Мөн өнгөрсөн 24 цагийн хугацаанд ХӨСҮТ-өөс Яармагийн 300 ортой эмнэлэг рүү биеийн байдал нь хөнгөн 89 хүнийг шилжүүлэн эмчилж эхэлсэн. Эмчилгээнд байгаа 512 батлагдсан тохиолдлын биеийн байдлыг үнэлбэл:
- Маш хүнд-1
- Хүнд-5
- Хүндэвтэр-76
- Хөнгөн-440 хүн байгаа юм.
Түүнчлэн батлагдсан тохиолдлуудын ойрын хавьтлын 1,035 хүн хяналт, тандалтад байна" гэлээ.
