USD
Баян-Өлгий аймгийн Толбо суманд 12 дугаар ангийн зургаан сурагч усанд осолдсон харамсалтай хэрэг гарчээ. Энэ талаар тус аймгийн онцгой байдлын газраас тодруулахад "Баян-Өлгий аймгийн Толбо сумын нутагт орших Хар нуурт 12 дугаар ангийн зургаан сурагч осолдсон мэдээллийн дагуу эрэн хайх ажиллагааг зохион байгуулсан. Өнөөдөр цогцсыг 5-10 метрийн гүнээс гаргасан. Хэргийн талаар илүү дэлгэрэнгүй мэдээлэл өгөх боломжгүй" гэлээ.
Цаг уурын байгууллагын ирүүлсэн мэдээллээр гол, мөрний ус үерийн аюултай түвшинг даван үерлэж буй бөгөөд иргэдийг үерийн аюулаас болгоомжилж, бага насны хүүхдийг голын ойролцоо тоглуулахгүй, хараа хяналтаа сайжруулах, баталгаатай зам гарцаар зорчихыг Онцгой байдлын газраас анхаарууллаа.
