3х3 сагсан бөмбөгийн тэмцээн төв талбайд болно

Монголын 3х3 сагсан бөмбөгийн холбоо Нийслэлийн Засаг Даргын Тамгын газартай хамтран Сүхбаатарын талбайд нийслэлийн есөн дүүргийн залуусын дунд “Ulaanbaatar 3x3 Cup 2022” тэмцээнийг зохион байгуулахаар болжээ. "Ulaanbaatar 3x3 Cup 2022” тэмцээний нийт шагналын сан 50 сая төгрөг бөгөөд багууд 3х3 олон улсын стандарт талбайд тоглож дүүрэг бүрийн шилдэг багууд Финалд өрсөлдөх эрх авна. Тэмцээн тавдугаар сарын 16-аас зургаадугаар сарын 1 хүртэл үргэлжилнэ.