Тус тэмцээнд төрийн болон төрийн бус өмчийн 27 сургуулийн 600 гаруй сурагч оролцож, оюун ухаанаа сорин өрсөлдсөнөөс 1-12 дугаар ангийн 72 сурагч шилдгээр шалгарч, батламж, алт, мөнгө, хүрэл медалиар шагнагдлаа.
Багийн нэгдсэн дүнгээр:
- Тэргүүн байр: “Орхон ХаСү” сургууль,
- Дэд байр: Нийслэлийн ерөнхий боловсролын 15 дугаар сургууль,
- Гутгаар байр: Нийслэлийн ерөнхий боловсролын 52 дугаар сургууль,
- Тусгай байр: Нийслэлийн ерөнхий боловсролын 115 дугаар сургууль,
- Нийслэлийн ерөнхий боловсролын 130 дугаар сургууль,
- Шилдэг багшаар Нийслэлийн ерөнхий боловсролын 7 дугаар сургуулийн багш Ц.Адъяажаргал, 163 дугаар сургуулийн багш Р.Ганчулуун, “Орхон ХаСү” сургуулийн багш Э.Төгсбилэг нар шалгарсан.
Тэмцээнийг Монголын Шатрын холбооны шүүгчид олон улсын шатрын холбооны дүрмээр шүүн явуулсан бөгөөд дүүргийн аварга шалгаруулах тэмцээний I, II байранд шалгарсан “Орхон ХаСү”, Нийслэлийн ерөнхий боловсролын 15 дугаар сургууль 2024 оны 10 дугаар сарын 28-ны өдөр зохион байгуулагдах Нийслэлийн шигшээ тэмцээнд оролцох эрхээ авлаа.
Уралдаанд оролцсон багш, сурагч, баг хамт олонд талархал илэрхийлж, дараагийн шатны уралдаанд нь амжилт хүсье.